ماڵه‌وه‌ · دابه‌زاندنه‌کان · لینکه‌کان · به‌شه‌کانی هه‌واڵ October 22 2017 22:51:56
پێرستی سه‌ره‌کی
ماڵه‌وه‌
دابه‌زاندنه‌کان
پرسیار و وه‌ڵام
لینکه‌کان
به‌شه‌کانی هه‌واڵ
په‌یوه‌ندی
ئه‌لبومه‌کان
گه‌ڕان
چوونه‌ژووره‌وه‌

لە نێوان سوپای تورکیا و شەڕڤانانی یەپەگە لە پارێزگای حەسەکە شەڕ روویدا

?  سوپای تورکیا ناوەندێک و چەند بنکەیەکی سەربازیی یەپەگەی سەر بە پەکەکە لە دێربێسییەی پاریزگای حەسەکەی تۆپباران کرد و یەپەگەش وەڵامی هێرشەکانی داوەتەوە.

لە سەر سنووری نێوان باکوور و رۆژئاڤای کوردستان سوپای تورکیا بە تۆپ و چەکی قورس هێرشیکردە سەر بنکەکانی یەپەگەی سەر بە پارتی کرێکارانی کوردستان پەکەکە ، لە چوار گوندی چەتەل ، گێربەشکێ ، شێرک و بیرکنێس ، لەهەمانکاتدا ناوەندی یەپەگە لە کەپەز تۆپبارانکرا. ئەو گوندانە سەر بە شاری دربێسییەن لە پارێزگای حەسەکەی رۆژئاوای کوردستان.

جەمال حەمۆ، جێگری سەرۆکی دەستەی ئابووری کانتۆنی جەزیرە بە تۆڕی میدیایی رووداوی راگەیاند: "شەڕڤانانی یەپەگە وەڵامی هێرشەکانی سوپای تورکیایان داوەتەوە و بەپێی زانیارییەکان، لە نزیک شەڕەکە تانکێکی سوپای تورکیا تەقێندراوەتەوە".

سەرچاوەیەک لە نەخۆشخانەی دێربێسییە بە تۆڕی میدیایی رووداوی راگەیاند: "تاوەکو ئێستا هیچ بریندارێک نەهاتووەتە نەخۆشخانە و بنکە تەندروستییەکان لە شاری دێربێسییە، بەڵام خەڵکی گوندی چەتەلە ناچار بوون گوندەکە چۆڵبکەن و رووبکەنە ناوچەکانی دیکە".

شەڕەکەی ئەمڕۆی سوپای تورکیا و هێزەکانی یەپەگەی سەر بە پەکەکە لە پارێزگای حەسەکە لەکاتێکدایە کە كاژێر 2:00ـی بەرەبەیانی رۆژی سێشەممە 25-4-2017، چیای شنگال و دەورووبەری و چیای قەرەچووخ لەلایەن فڕۆكەكانی توركیاوە بۆمبارانكرا.

رۆژی سێشەممە 25-4-2017 رێدوور خەلیل، گوتەبێژی یەكینەكانی پاراستنی گەل یەپەگە -ی سەر بە پەكەكە ئاشكرایكرد "لە ئەنجامی هێرشی فڕۆكە جەنگییەكانی توركیا 20 شەرڤانمان شەهیدبوون و 18ی دیكەش بریندارن".

سه‌رچاوه: رووداونێت
داواکاری
دیمانه‌
 وتووێژ له‌ گه‌ڵ که‌ریم په‌رویزی ئه‌ندامی ده‌فته‌ری سیاسی حدکا