ماڵه‌وه‌ · دابه‌زاندنه‌کان · لینکه‌کان · به‌شه‌کانی هه‌واڵ October 22 2017 22:51:09
پێرستی سه‌ره‌کی
ماڵه‌وه‌
دابه‌زاندنه‌کان
پرسیار و وه‌ڵام
لینکه‌کان
به‌شه‌کانی هه‌واڵ
په‌یوه‌ندی
ئه‌لبومه‌کان
گه‌ڕان
چوونه‌ژووره‌وه‌

ناوەڕۆکی رێککەوتنی پەکەکە و رژێمی سووریا و رووسیا ئاشکرا دەبێت

 ناوەڕۆکی رێککەوتنی پارتی کرێکارانی کوردستان (پەکەکە)، رژێمی سووریا و رووسیا ئاشکرا دەبێت.

رۆژی دووشەممە 1.5.2017، نوێنەرانی پارتی یەکێتی دیموکراتی (پەیەدە)ی باڵی پەکەکە لە رۆژئاوای کوردستان، رژێمی سووریا و رووسیا لە بنکەی سەربازیی کەفەرجنە لە گوندەوارەکانی شاری عەفرین کۆبوونەوە و رێککەوتنێکیان واژۆ کرد.

سەرچاوەیەکی ئاگادار لە رۆژئاوای کوردستانەوە ناوەڕۆکی رێککەوتنەکەی بۆ (باسنیوز) ئاشکرا کرد، کە بریتین لەو خاڵانە:

- ژوورێکی ئۆپەراسیۆنی هاوبەش لە نوێنەری هەرسێ لایەن دروست دەکرێت، بۆ هێرشکردنە سەر گوندەوارەکانی رۆژئاوای حەلەب و ئیدلیب.

- پەیەدە رێگا بە هاتوچۆی سەربازیی سوپای رژێمی سووریا لە عەفرین دەدات.

- بنکەیەکی دیکەی سەربازیی رووسیا لە عەفرین دروست دەکرێت و فڕۆکەخانەی سەربازیی مینگ دەخرێتە خزمەتی رووسیا.

- پەیەدە رێگا بە گەڕانەوەی دامودەزگا خزمەتگوزارییەکانی رژێمی سووریا بۆ عەفرین دەدات، وەک دەزگاکانی تۆماری باری شارستانی، دەزگا داراییەکان و فەرمانگەی کارەبا.

- رێککەوتوون لەسەر گفتوگۆکردن لەسەر یەکخستنی ئاسایشی پەیەدە و پۆلیسی مەدەنیی سەر بە رژێمی سووریا و ناردنی ئەندامانی دەزگای هەواڵگریی سووریا بۆ عەفرین.

بە گوتەی سەرچاوەکە، لە کۆبوونەوەکەدا، کە حەوت کاتژمێر درێژەی کێشا، بڕیار دراوە لەماوەی چەند هەفتەی داهاتوو رێککەوتنەکە دەچێتە بواری جێبەجێکردن.

سه‌رچاوه: باسنیوز
داواکاری
دیمانه‌
 وتووێژ له‌ گه‌ڵ که‌ریم په‌رویزی ئه‌ندامی ده‌فته‌ری سیاسی حدکا