به‌ خێر بێن بۆ ماڵپه‌ڕی بیری نوێ چەکداران ئاگر لە ماڵی سەرکردەیەکی پەدەکەسە بەردەدەن
نێردراو له‌ لایه‌نqelatok له‌ ڕۆژی
 ژمارەیەک چەکدار ئاگر لە ماڵی سەرکردەیەکی پارتی دیموکراتی...
سه‌رجه‌م بابه‌ته‌که

 ژمارەیەک چەکدار ئاگر لە ماڵی سەرکردەیەکی پارتی دیموکراتی کوردستان _ سووریا (پەدەکەسە) و زیانێکی زۆری بەر دەکەوێت.

عەبدولڕەحمان ئاپۆ، سەرکردەی پەدەکەسە لە بەیاننامەیەکدا رایگەیاندووە، کە ئێوارەی رۆژی سێشەممە 25.4.2017، چوار شووشەی پڕ لە سووتەمەنی بە ئاگرەوە هەڵدراوەتە ناو ماڵەکەی لە گەڕەکی شەرقییە لە شاری عەفرین لە رۆژئاوای کوردستان.

هەروەک عەبدولڕەحمان ئاپۆ رایگەیاندووە، کە هەڵدانی ئەو شووشە پڕ لە سووتەمەنییانە بۆ ناو ماڵەکەی، هەوڵێکە بۆ تیرۆرکردنی ئەو سەرکردەیە و منداڵەکانی و ”هەڕەشەیەکی روونیشەبۆ پەدەکەسە و ئەنجومەنینیشتیمانی کورد لە سووریا (ئەنەکەسە).

دوای دروستبوونی شەڕی ناوخۆیی سووریا و کشانەوەی هێزەکانی سەر بە رژێمی سووریا لە رۆژئاوای کوردستان، پارتی یەکێتی دیموکراتی (پەیەدە) باڵی پارتی کرێکارانی کوردستان (پەکەکە) لە رۆژئاوای کوردستان، دەستی بەسەر ئەو بەشەی کوردستاندا گرت و کەوتە دژایەتی و کوشتن و راوەدونانی سیاسەتمەدار و حزبە سیاسییە نەیارەکانی خۆی و سەرکوتکردنی هاووڵاتییان.

چەکدارانی پەکەکە لە رۆژئاوای کوردستان بەردەوام هێرش دەکەنە سەر بارەگاکانی ئەنەکەسە و پەدەکەسە، وێڕای کوشتن و سووکایەتیکردن بە سەرکردەکانیان.

سه‌رچاوه: باسنیوز